പാര്ലമെന്റംഗങ്ങള് സഭയില് കുട്ടികളെ കൊണ്ടുവരുന്നതിന് വിലക്ക്
ലണ്ടന്: കൈക്കുഞ്ഞുമായി സഭയില് വരുന്നതിന് ബ്രിട്ടീഷ് എം.പിക്ക് വിലക്ക്. ഇതോടെ പാര്ലമെന്റ് അംഗങ്ങള് സഭയില് കുട്ടികളെ കൊണ്ടുവരുന്നതു വിലക്കുന്ന പുതിയ നിയമത്തിനെതിരെ യു.കെയില് പ്രതിഷേധം തുടങ്ങി.
സഭയില് കുട്ടികളോടൊപ്പം വരുന്ന അംഗങ്ങള് ഇരിക്കരുതെന്ന പുതിയ നിയമം സെപ്റ്റംബറിലാണു പ്രാബല്യത്തില് വന്നത്.
സഭയില് മൂന്നു മാസം പ്രായമുള്ള കുഞ്ഞിനെ കൊണ്ടുവരരുതെന്നു നിര്ദേശിച്ചതായി ലേബര് പാര്ട്ടിയിലെ ജനസഭാംഗം സ്റ്റെല്ല ക്രീസി ഇന്നലെ പരാതിപ്പെട്ടതോടെയാണ് പുതിയ ചട്ടത്തിനെതിരെ പ്രതിഷേധം ഉയര്ന്നിരിക്കുന്നത്. നേരത്തേ രണ്ടു കുട്ടികളെയും സഭയില് കൊണ്ടുവന്നിരുന്നെന്നും സ്റ്റെല്ല പറഞ്ഞു.