കണ്ണൂരിലെ കൊവിഡ് രോഗികളേറെയും രോഗലക്ഷണങ്ങളില്ലാത്തവർ: വട്ടം കറങ്ങി ആരോഗ്യ വകുപ്പ്

സിന്ധുമോള്‍ ആര്‍

കണ്ണൂർ: കൊവിഡിന്റെ മാരക വേർഷൻ കണ്ണുർ ജില്ലയിലെ ആരോഗ്യ പ്രവർത്തകരെ വെള്ളം കുടിപ്പിക്കുന്നു. പ്രകടമായ രോഗലക്ഷണങ്ങളോ മറ്റു ശാരീരിക അവശതകളോയില്ലാത്തവരാണ് കണ്ണൂരിലെ കൊവിഡ് രോഗികളിൽ കൂടുതലും. തിരിച്ചറിയപ്പെടാത്ത ഇത്തരക്കാരാണ് ജില്ലയിൽ സമൂഹ വ്യാപനത്തിന്റെ ഗതിവേഗം കൂട്ടുന്നത്. കണ്ണൂരിൽ ഇതുവരെ റിപ്പോർട്ട് ചെയ്ത 302 കൊവിഡ് പോസിറ്റീവ്‌ കേസുകളിൽ ഭൂരിഭാഗവും രോഗലക്ഷണങ്ങളില്ലാത്തവരാണെന്ന് ആരോഗ്യ പ്രവർത്തകർ പറയുന്നു.