ഗുരുദത്ത് കന്യാകുമാരി
നാഗര്കോവില്: കന്യാകുമാരി ജില്ലയില് ഇന്നലെ ആറുപേര്ക്ക് കൂടി കൊവിഡ് സ്ഥിരീകരിച്ചു. ഇതോടെ ജില്ലയില് രോഗബാധിതരുടെ എണ്ണം 75 ആയി. മച്ചക്കോണം, പോതവിള സ്വദേശിയായ യുവതി (33), മണവാളക്കുറിച്ചി, പെരിയവിള സ്വദേശിയായ യുവതി ( 25 ), കന്യാകുമാരി സൗത്ത് കുണ്ടല് സ്വദേശി യുവതി ( 24 ), വള്ളവിള സ്വദേശിയായ യുവതി (35), കുളച്ചല് റീത്തപുരം സ്വദേശിയായ യുവാവ് (39), ഇയാളുടെ ഭാര്യ ( 35 )എന്നിവര്ക്കാണ് രോഗം സ്ഥിരീകരിച്ചത്. ചെന്നൈയില് നിന്നുവന്ന ഇവരെ ആരുവാമൊഴിയില് സ്ഥാപിച്ചിട്ടുള്ള ചെക്പോസ്റ്റിലെത്തിലാണ് പരിശോധിച്ചത്. തുടര്ന്ന് ഇവരെ കന്യാകുമാരിയിലെ ലോഡ്ജില് ക്വാറന്റൈന് ചെയ്തു. പരിശോധന ഫലം വന്നതിനെ തുടര്ന്ന് ഇവരെ ആശാരിപ്പള്ളം ആശുപത്രിയിലെ ഐസൊലേഷന് വാര്ഡിലേക്ക് മാറ്റി.