![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ഗുവാഹത്തി: അസമിലെ എണ്ണക്കിണറില്‍ തീപിടിത്തത്തിനിടെ കാണാതായ രണ്ടു അഗ്നിശമന സേന ഉദ്യോഗസ്ഥരുടെ മൃതദേഹം കണ്ടെത്തി. ഓയില്‍ ഇന്ത്യ ലിമിറ്റഡിന് സമീപത്തെ ചതുപ്പുപ്രദേശത്തുനിന്നാണ് മൃതദേഹം കണ്ടെത്തിയത്. 14 ദിവസം മുന്‍പാണ് ടിന്‍സൂകിയ ജില്ലയിലെ ഓയില്‍ ഇന്ത്യ ലിമിറ്റഡില്‍ വാതകം ചോര്‍ന്നത്. ചൊവ്വാഴ്ച തീപിടിക്കുകയായിരുന്നു. വാതകചോര്‍ച്ച പരിഹരിക്കാനാകാത്തതിനാല്‍ തീ അണക്കാന്‍ കഴിഞ്ഞിട്ടില്ല. രണ്ടു കിലോമീറ്റര്‍ ദൂരെനിന്നുപോലും തീ കാണാം. എണ്ണകിണറിന് ഒന്നര കിലോമീറ്ററിനുള്ളിലെ ആറായിരത്തോളം പേരെ ദുരിതാശ്വാസ ക്യാമ്പുകളിലേക്ക് മാറ്റി.
