അക്ഷയ കേന്ദ്രത്തിലെ സേവനങ്ങള് “ട്രാക്ക് അക്ഷയ’ മൊബൈല് ആപിലൂടെ മാണിക്കല് പഞ്ചായത്തില് തുടക്കമായി
വെമ്പായം : അക്ഷയ കേന്ദ്രത്തിലെ സേവനങ്ങള്ക്ക് വീട്ടിലിരുന്ന് അപേക്ഷ നല്കുവാനും ടോക്കണ് എടുക്കുവാനുമുള്ള ട്രാക്ക് അക്ഷയ സര്വീസ് എന്ന മൊബൈല് ആപ്ലിക്കേന് മാണിക്കല് പഞ്ചായത്തില് തുടക്കമായി. ട്രാക്ക് അക്ഷയ മൊബൈല് ആപ്പിന്റെ ഉദ്ഘാടനം മാണിക്കല് പഞ്ചായത്ത് പ്രസിഡന്റ് സുജാത നിര്വഹിച്ചു.
എല്ലാ ഓണ്ലൈന് സേവനങ്ങളും വീട്ടിലിരുന്നു ജനങ്ങള്ക്ക് അക്ഷയ കേന്ദ്രങ്ങളിലേക്ക് അയക്കുന്നതോടെ അക്ഷയ കേന്ദ്രം വെരിഫൈ ചെയ്തു അതതു ഓഫീസുകളിലേക്ക് സമര്പ്പിക്കുന്നു ഇതാണ് ട്രാക്ക് അക്ഷയ സംവിധാനം. ഓണ്ലൈന് പേയ്മെന്റ് സൗകര്യവും ഇതിലുണ്ട്.
വെമ്ബായം അക്ഷയ കേന്ദ്രത്തിലെ സേവനം ലഭ്യമാക്കാനായി തിരുവനന്തപുരം ജില്ല, നെടുമങ്ങാട് താലൂക്ക് ,മാണിക്കല് പഞ്ചായത്ത്, വെമ്ബായം അക്ഷയ എന്നിങ്ങനെ രജിസ്റ്റര് ചെയ്താല് മതിയാകും. കോവിഡ് 19 വ്യാപന പശ്ചാത്തലത്തില് അക്ഷയകേന്ദ്രങ്ങളില് തിരക്ക് കുറയ്ക്കാന് ഈ ആപ്ലിക്കേഷന് സഹായിക്കുമെന്നാണ് വിലയിരുത്തല്. പഞ്ചായത്ത് അംഗങ്ങളായ പള്ളിക്കല് നസീര്, ജാസ്മിന് ഇല്യാസ്, ഗോപന്, അഭിലാഷ് എന്നിവര് ചടങ്ങില് പങ്കെടുത്തു.