KeralaLatestMalappuram
വേങ്ങര ബ്ലോക്ക് പഞ്ചായത്ത് ഓഫീസിൽ ഒരാൾക്ക് കോവിഡ് – 19
പി.വി.എസ്.
മലപ്പുറം: രോഗം സ്ഥിരീകരിച്ച വേങ്ങര ബ്ലോക്ക് പഞ്ചായത്ത് ഓഫീസിലെ ജീവനക്കാരനുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കോവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്.
ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.