KeralaLatestMalappuramThiruvananthapuram
സംസ്ഥാനത്ത് കോവിഡ് ബാധിച്ച് ഒരു മരണം കൂടി; മരിച്ചത് ഇടുക്കി സ്വദേശി
സിന്ധുമോള് ആര്
കൊച്ചി: സംസ്ഥാനത്ത് കോവിഡ് ബാധിച്ച് ഒരാള് കൂടി മരിച്ചു. ഇടുക്കി മാമാട്ടിക്കാനം ചന്ദനപ്പുരയിടത്തില് സി.വി. വിജയന് ആണ് മരിച്ചത്. 61 വയസായിരുന്നു. കളമശേരി മെഡിക്കല് കോളജില് ചികിത്സയിലായിരുന്ന ഇദ്ദേഹം അര്ബുദ രോഗിയായിരുന്നു. ഞായറാഴ്ച രാത്രി 11 മണിയോടെയായിരുന്നു മരണം. അര്ബുദ ചികിത്സക്കിടെ കോവിഡ് ബാധിച്ച ഇദ്ദേഹത്തെ കളമശേരി മെഡിക്കല് കോളജില് പ്രവേശിപ്പിക്കുകയായിരുന്നു.
ഞായറാഴ്ച ഒമ്പതുമരണം റിപ്പോര്ട്ട് ചെയ്തിരുന്നു. കുറച്ചുദിവസങ്ങളായി മരണ സംഖ്യ ഉയരുന്നത് സംസ്ഥാനത്ത് ആശങ്ക വര്ധിപ്പിക്കുന്നുണ്ട്. മരിച്ചവരില് ഭൂരിഭാഗവും മറ്റു രോഗങ്ങളുള്ളവരാണ്.