![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
കൊച്ചി: കോവിഡ് ബാധമൂലം നീറ്റ് എഴുതാന്‍ കഴിയാത്തവര്‍ക്ക് ഉടന്‍ മറ്റൊരവസരം നല്‍കുമെന്ന് നാഷണല്‍ ടെസ്റ്റിംഗ് ഏജന്‍സി (എന്‍ടിഎ) ഹൈക്കോടതിയില്‍ അറിയിച്ചു
സുപ്രീം കോടതി ഉത്തരവിനു വിധേയമായിട്ടാകും അവസരം നല്‍കുകയെന്നും പരീക്ഷ എഴുതാന്‍ യോഗ്യരാണെന്ന് വിദ്യാര്‍ഥികള്‍ തെളിയിക്കണമെന്നും എന്‍ടിഎ അറിയിച്ചു .
സെപ്റ്റംബര്‍ 13നു നടത്തിയ നീറ്റ് എഴുതാന്‍ കഴിഞ്ഞില്ലെന്നും മറ്റൊരു അവസരം അനുവദിക്കണെമന്നും അതുവരെ ഫലപ്രഖ്യാപനം തടയണമെന്നും ആവശ്യപ്പെട്ട് തലശേരി സ്വദേശിനിയായ വിദ്യാര്‍ഥി നല്‍കിയ ഹര്‍ജിയിലാണ് എന്‍ടിഎ വിശദീകരണം നല്‍കിയത്.
