കര്ണാടക മുന് മന്ത്രി ബി. സത്യനാരായണ് അന്തരിച്ചു
സിന്ധുമോള് ആര്
ബംഗളൂരു : മുന് മന്ത്രിയും ജെ.ഡി.എസ് എം.എല്.എയുമായ ബി. സത്യനാരായണ് (67) അന്തരിച്ചു . കരള് സംബന്ധമായ അസുഖത്തെ തുടര്ന്ന് ദീര്ഘകാലമായി ചികിത്സയിലായിരുന്നു. ചൊവ്വാഴ്ച രാത്രി 10. 45 നായിരുന്നു അന്ത്യം. കഴിഞ്ഞ ദിവസം ആരോഗ്യനില വഷളായതിനെ തുടര്ന്നാണ് ബംഗളൂരുവിലെ മണിപ്പാല് ആശുപത്രിയില് പ്രവേശിപ്പിച്ചത്.
തുമകുരുവിലെ സിറ മണ്ഡലത്തില്നിന്നുള്ള എം.എല്.എ ആണ് സത്യ നാരായണ്. ജെ.ഡി.എസ് നേതാവായ സത്യ നാരായണ് മൂന്നു തവണ എം.എല്.എയും രണ്ടു തവണ എം.പിയുമായിട്ടുണ്ട്. കോണ്ഗ്രസ്- ജെ.ഡി.എസ് സഖ്യസര്ക്കാറില് കര്ണാടക ആര്.ടി.സിയുടെ ചെയര്മാന് പദവിയും വഹിച്ചിരുന്നു. ഭാര്യയും അഞ്ചു പെണ്മക്കളും മകനുമടങ്ങുന്നതാണ് സത്യനാരായണിന്റെ കുടുംബം.