സിന്ധുമോള് ആര്
ബദിയഡുക്ക: കളിക്കുന്നതിനിടെ സാരി കഴുത്തില് കുരുങ്ങി അഞ്ചാം ക്ലാസ് വിദ്യാര്ഥിനി മരിച്ചു. സാരികൊണ്ടുണ്ടാക്കിയ ഊഞ്ഞാലില് കളിക്കുന്നതിനിടെയാണ് സംഭവം നടന്നത്. ബദിയടുക്ക ബെളിഞ്ചയിലെ മുഹമ്മദ് നാസര്-ഫൗസിയ ദന്പതികളുടെ മകള് ഫാത്തിമ നൗഫിയ ആണ് മരിച്ചത്.
അപകടം നടന്നപ്പോള് കുട്ടിയുടെ മാതാവ് അടുക്കളയിലും, പിതാവ് പള്ളിയിലും ആയിരുന്നു. ശബ്ദംകേട്ട് ഓടിയെത്തിയ മാതാവ് സാരി മാറ്റി കുട്ടിയെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഇന്നലെ ഉച്ചയ്ക്ക് 12 മണിക്കാണ് സംഭവം നടന്നത്. സഹോദരങ്ങള്: ഫാത്തിമ നഫ്സിയ, മുഹമ്മദ് മുഫീദ്, ഫാത്തിമ മുഫീദ, ഫാത്വിമ നഫ്ല.