ശ്രീജ.എസ്
കൊച്ചി: സഭാതര്ക്കം നിലനില്ക്കുന്ന മുളന്തുരുത്തി മാര്ത്തോമ പള്ളി സര്ക്കാര് ഏറ്റെടുത്തു. ഹൈക്കോടതി നിര്ദ്ദേശപ്രകാരമാണു പള്ളി ഏറ്റെടുത്തത്. സബ് കളക്ടറുടെ നേതൃത്വത്തില് പുലര്ച്ചെ അഞ്ചരയോടെയായിരുന്നു ഏറ്റെടുക്കല്.
പ്രതിഷേധവുമായി പള്ളിയില് നിലയുറപ്പിച്ചിരുന്ന അറുന്നൂറോളം യാക്കോബായ വിഭാഗം വിശ്വാസികളേയും മൂന്നു ബിഷപ്പുമാര് അടക്കം മതപുരോഹിതരേയും അറസ്റ്റ് ചെയ്തു നീക്കിയാണു പള്ളി ഏറ്റെടുത്തത്. പള്ളിയുടെ ഗേറ്റ് പൊളിച്ചാണു പോലീസ് അകത്തുകടന്നത്.
പള്ളി ഏറ്റെടുത്തു കൈമാറാന് ഹൈക്കോടതി നല്കിയ സമയപരിധി തിങ്കളാഴ്ച അവസാനിക്കാനിരിക്കെയാണ് ഏറ്റെടുക്കല്. എറ്റെടുത്ത വിവരം കളക്ടര് കോടതിയെ അറിയിക്കും.