ശ്രീജ.എസ്
ലഖ്നൗ: ഉത്തര്പ്രദേശ് സര്ക്കാര് സ്ത്രീകള്ക്കും കുട്ടികള്ക്കും എതിരായ അക്രമങ്ങള് തടയാന് പുതിയ വകുപ്പ് രൂപവത്ക്കരിക്കുന്നു. മുഖ്യമന്ത്രി യോഗി ആദിത്യനാഥ് ഇതിന് അനുമതി നല്കിയതായി അദ്ദേഹത്തിന്റെ ഓഫീസ് ട്വിറ്ററിലൂടെ അറിയിച്ചു.
സ്ത്രീകളുടെയും കുട്ടികളുടെയും സുരക്ഷയുമായി ബന്ധപ്പെട്ട് പ്രവര്ത്തിക്കുന്ന പൊലീസിലെ വിവിധ വിഭാഗങ്ങളെയെല്ലാം പുതിയ വകുപ്പിന്റെ ഭാഗമാക്കും. 1090 ഹെല്പ്പ് ലൈനും പുതിയ വകുപ്പിന്റെ നിയന്ത്രണത്തിലാവും.
അഡീഷണല് ഡയറക്ടര് ജനറല് ഓഫ് പൊലീസ് (എഡിജിപി) ആയിരിക്കും പുതിയ വകുപ്പിന്റെ തലവന്. നടപടി ക്രമങ്ങളെല്ലാം വരും ദിവസങ്ങളില് പൂര്ത്തിയാക്കുമെന്ന് സര്ക്കാര് അറിയിച്ചു. സ്ത്രീ സുരക്ഷയുമായി ബന്ധപ്പെട്ട് യു.പിയിലെ യോഗി ആദിത്യനാഥ് സര്ക്കാരിനെതിരെ രൂക്ഷ വിമര്ശം ഉയരുന്ന പശ്ചാത്തലത്തിലാണ് പുതിയ നീക്കം.