സിന്ധുമോള് ആര്
ന്യൂഡല്ഹി: മുന് രാഷ്ട്രപതി പ്രണാബ് മുഖര്ജിയുടെ ആരോഗ്യനില മാറ്റമില്ലാതെ തുടരുന്നു. വെന്റിലേറ്ററിന്റെ സഹായത്താലാണ് അദ്ദേഹത്തിന്റെ ജീവന് നിലനില്ക്കുന്നത്. 84 കാരനായ പ്രണാബ് മുഖര്ജിക്ക് ഡല്ഹിയിലെ രാജാജി മാര്ഗിലുള്ള വീട്ടില് വീണാണ് പരിക്കേറ്റത്. തുടര്ന്ന് കഴിഞ്ഞ 10 ന് അദ്ദേഹത്തെ ആശുപത്രിയില് പ്രവേശിപ്പിച്ചു. മസ്തിഷകത്തില് രക്തം കട്ടപിടിച്ചതിനെ തുടര്ന്ന് ശസ്ത്രക്രിയയ്ക്കു വിധേയനായ പ്രണാബിന് കൊറോണ വൈറസ് കൂടി റിപ്പോര്ട്ട് ചെയ്തിരുന്നു.
എന്നാല്, പ്രണബ് മുഖര്ജിയുടെ ആരോഗ്യനിലയില് പുരോഗതിയുണ്ടെന്ന് കഴിഞ്ഞ ദിവസം അദ്ദേഹത്തെ സന്ദര്ശിച്ച മകന് അഭിജിത്ത് പറഞ്ഞിരുന്നു. ചികിത്സയോട് അദ്ദേഹത്തിന്റെ ശരീരം പ്രതികരിക്കുന്നുണ്ടെന്നും അഭിജിത്ത് പറഞ്ഞിരുന്നു.