![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ഇറാന്‍ പുതിയ ബാലിസ്റ്റിക്, ക്രൂയിസ് മിസൈലുകള്‍ പുറത്തിറക്കി.’ഖ്വാസിം’ എന്ന ബാലിസ്റ്റിക് മിസൈലിന് 1,400 കിലോമീറ്ററും ‘അബു മഹ്ദി’ എന്ന ക്രൂസ് മിസൈലിന് 1000 കിലോമീറ്ററും ദൂരപരിധിയുണ്ട്.
പുതിയ മിസൈലുകള്‍ തങ്ങളുടെ പ്രതിരോധത്തെ സംബന്ധിച്ച്‌ സുപ്രധാനമാണെന്നും ക്രൂയിസ് മിസൈലിന്റെ ശേഷി 300 കിലോമീറ്ററില്‍ നിന്ന് 1000 കിലോമീറ്ററിലേക്ക് രണ്ടു വര്‍ഷത്തിനുള്ളില്‍ വര്‍ധിപ്പിക്കാന്‍ കഴിഞ്ഞത് മികച്ച നേട്ടമാണെന്നും പ്രസിഡന്‍റ് ഹസന്‍ റൂഹാനി പറഞ്ഞു.
ജനുവരിയില്‍ യുഎസ് ഡ്രോണ്‍ ആക്രമണത്തില്‍ കൊല്ലപ്പെട്ട ഇറേനിയന്‍ കമാന്‍ഡര്‍ ജനറല്‍ ഖ്വാസിം സുലൈമാനിയുടെയും ഇറാക്കി പൗരസേനാ കമാന്‍ഡര്‍ അബു മഹ്ദി അല്‍ മുഹന്ദിസിന്റെയും പേരുകളാണ് മിസൈലുകള്‍ക്കു നല്കിയിരിക്കുന്നത്.
