ഇഎസ്‌ഐ അംഗങ്ങള്‍ക്ക് തൊഴിലില്ലായ്മ വേതനം നല്‍കാന്‍ തീരുമാനമായി

ശ്രീജ.എസ്

ന്യൂഡല്‍ഹി: ലോക്ക്ഡൗണ്‍ നാളില്‍ ശമ്പളം ലഭിക്കാത്ത ഇഎസ്‌ഐ അംഗങ്ങളായ തൊഴിലാളികള്‍ക്ക് തൊഴിലില്ലായ്മ വേതനം ലഭിക്കും. വ്യാഴാഴ്ച ചേര്‍ന്ന ഇഎസ്‌ഐ ബോര്‍ഡ് യോഗം ഇതിന് അനുമതി നല്‍കി.

ലോക്ക്ഡൗണ്‍ ആരംഭിച്ച മാര്‍ച്ച്‌ 24 മുതല്‍ ഈ വര്‍ഷം ഡിസംബര്‍ വരെ 31 വരെയാണ് പുതിയ പദ്ധതിയുടെ കാലാവധി. ഈ വര്‍ഷം മാര്‍ച്ച്‌ 31ന് മുന്‍പ് രണ്ട് വര്‍ഷം ഇഎസ്‌ഐ അംഗമായിരുന്ന, ശമ്പളം കിട്ടാതാവുന്നതിന് തൊട്ടുമുന്‍പുള്ള കോണ്‍ട്രിബ്യൂഷന്‍ സമയത്ത് 78 ദിവസത്തില്‍ കുറയാതെയോ, അതിന് മുന്‍പത്തെ 3 കോണ്‍ട്രിബ്യൂഷന്‍ കാലയളവില്‍ ഏതിലെങ്കിലും കുറഞ്ഞത് 78 ദിവസമോ വിഹിതമടച്ചവര്‍ക്കാണ് ആനുകൂല്യം ലഭിക്കുക.

അടല്‍ ബീമിത് വ്യക്തി കല്യാണ്‍ പദ്ധതിയുടെ ഭാഗമായാണ് ശമ്പളം ലഭിക്കാത്ത കാലത്തെ അലവന്‍സ് നല്‍കുക. 6710.67 കോടി രൂപയാണ് ഇതിനായി വേണ്ടിവരിക.