പി സതീദേവി : സംസ്ഥാന വനിതാ കമ്മിഷൻ അധ്യക്ഷ

തിരുവനന്തപുരം : സംസ്‌ഥാന വനിതാ കമ്മിഷൻ അധ്യക്ഷയായി അഡ്വ പി സതീദേവി അടുത്തമാസം ഒന്നിന് ചുമതലയേൽക്കും. വനിതാ കമ്മിഷന്റെ പുതിയ അധ്യക്ഷയായി സതീദേവിയെ സർക്കാർ നിയമിച്ചു.സിപിഎം സംസ്ഥാന സമിതി അം​ഗം പി ജയരാജന്റെ സഹോദരിയും, അന്തരിച്ച സിപിഎം നേതാവ് എം ദാസന്റെ ഭാര്യയുമാണ്. എം സി ജോസഫൈന്‍ രാജിവച്ച ഒഴിവിലാണ് സതീദേവിയുടെ നിയമനം.

സിപിഎം സംസ്ഥാന സമിതി അംഗവും ജനാധിപത്യ മഹിളാ അസോസിയേഷന്‍ ജനറല്‍ സെക്രട്ടറിയുമാണ്. 2004ല്‍ വടകരയില്‍ നിന്നുള്ള ലോക്സഭാ അംഗമായിരുന്നു. സതീദേവിയെ വനിതാ കമ്മീഷന്‍ അധ്യക്ഷയാക്കാൻ സിപിഎമ്മില്‍ നേരത്തെ തന്നെ ധാരണയായിരുന്നു.