റിയ ചക്രവര്ത്തിക്കെതിരായ കൂടുതല് തെളിവുകളുമായി നാര്ക്കോടിക്സ് കണ്ട്രോള് ബ്യൂറോ
സിന്ധുമോള് ആര്
മുംബൈ: ബോളിവുഡ് നടന് സുശാന്ത് സിങ് രജപുത്തിന്റെ മരണത്തില് മയക്കുമരുന്ന് മാഫിയയുടെ ബന്ധത്തെ കുറിച്ചുള്ള അന്വേഷണം പുരോഗമിക്കുന്നതിനിടെ കാമുകിയും നടിയുമായ റിയ ചക്രവര്ത്തിക്കെതിരായ കൂടുതല് തെളിവുകള് പുറത്ത്. റിയ മയക്കുമരുന്ന് വാങ്ങുകയും വില്ക്കുകയും ചെയ്തുവെന്നാണ് നാര്ക്കോടിക്സ് കണ്ട്രോള് ബ്യൂറോയുടെ കണ്ടെത്തല്. റിയ ചക്രവര്ത്തിയുടെ മുംബൈയിലെ വീട്ടില് ഏജന്സി കഴിഞ്ഞ ദിവസം പരിശോധന നടത്തിയിരുന്നു. തുടര്ന്ന് റിയ ചക്രവര്ത്തിയുടെ സഹോദന് സൗവിക് ചക്രവര്ത്തിയേയും സുശാന്തിന്റെ ഹൗസ് മാനേജര് സാമുവല് മിറാണ്ടയേയും മണിക്കൂറുകള് ചോദ്യം ചെയ്യുകയും രാത്രിയോടെ അറസ്റ്റ് ചെയ്യുകയും ചെയ്തിരിന്നു.
റിയ ചക്രവര്ത്തിയുടെ വാട്സ് ആപ് ചാറ്റുകള് പരിശോധിച്ചതില് നിന്നാണ് അന്വേഷണ ഏജന്സിക്ക് അവര് മയക്കുമരുന്ന് വാങ്ങുകയും കൈവശം വെയ്ക്കുകയും വിറ്റതിന്റേയും കൂടുതല് തെളിവുകള് ലഭിച്ചതെന്നാണ് സൂചന. ഞായറാഴ്ച റിയയെ വീണ്ടും ചോദ്യം ചെയ്യാനായി വിളിപ്പിക്കുമെന്നാണ് റിപ്പോര്ട്ട്.