ശ്രീജ.എസ്
ന്യൂഡല്ഹി: ഡല്ഹിയില് അനധികൃതമായി അയ്യായിരത്തിലധികം മസാജ് സെന്ററുകള് പ്രവര്ത്തിക്കുന്നുണ്ടെന്ന് ഡല്ഹി വനിതാ കമ്മീഷന്. വന് മാഫിയാ സംഘങ്ങള് നടത്തുന്ന ഇത്തരം മസാജ് സെന്ററുകളില് ലൈംഗിക ചൂഷണം നടക്കുന്നതായും അഞ്ചു വര്ഷത്തിനിടെ 1000ലധികം യുവതികളെ ഇത്തരം കേന്ദ്രങ്ങളില് നിന്ന് രക്ഷപ്പെടുത്താന് കഴിഞ്ഞതായും വനിതാ കമ്മീഷന് അവകാശപ്പെട്ടു.
നടപടി എടുത്തതിന് മാഫിയാ സംഘങ്ങളില് നിന്ന് നിരവധി ഭീഷണികളും അതിക്രമങ്ങളും നേരിടേണ്ടി വന്നു, രണ്ട് കേസുകളും ഇതുമായി ബന്ധപ്പെട്ടുണ്ട്. എന്നാലും ഇവര്ക്കെതിരെ മുന്നോട്ട് തന്നെ പോകുമെന്നും വനിത കമ്മീഷന് അധ്യക്ഷ സ്വാതി മലേവാള് പറയുന്നു.