![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
മുംബൈ: ഇന്ത്യന്‍ ഓഹരി വിപണിയില്‍ ചരിത്രം കുറിച്ച്‌ മുകേഷ് അംബാനിയുടെ ഉടമസ്ഥതയിലുള്ള റിലയന്‍സ് ഇന്‍ഡസ്ട്രീസ്. 200 ബില്യണ്‍ ഡോളര്‍ വിപണി മൂല്യമുള്ള ആദ്യ കമ്പനിയായി റിലയന്‍സ് മാറി. ബോംബൈ സ്റ്റോക് എക്സ്ചേഞ്ചില്‍ 8 ശതമാനം നേട്ടമുണ്ടായതോടെയാണ് റിലയന്‍സ് പുതിയ നേട്ടമുണ്ടാക്കിയത്. 8 ശതമാനം നേട്ടത്തോടെ ബോംബെ സ്റ്റോക് എക്സ്ചേഞ്ചില്‍ റിലയന്‍സ് ഓഹരികളുടെ വില 2,343.90 രൂപയായി ഉയര്‍ന്നു. 2020ല്‍ മാത്രം റിലയന്‍സിന്റെ വിപണി മൂല്യം 70 ബില്യണ്‍ ഡോളറാണ് വര്‍ധിച്ചത്. രണ്ടാം സ്ഥാനത്തുള്ള ടി.സി.എസിന് 10 ബില്യണ്‍ ഡോളറിന്റെ നേട്ടം മാത്രമാണുണ്ടാക്കാനായത്. 14 ലക്ഷം കോടിയാണ് റിലയന്‍സിന്റെ ആകെ വിപണി മൂല്യം. കടമില്ലാത്ത അവസ്ഥയിലേക്ക് എത്തിയതും പുതിയ നിക്ഷേപങ്ങളും ഏറ്റെടുക്കലുമെല്ലാമാണ് റിലയന്‍സിന് കരുത്താവുന്നത്.
