ശ്രീജ.എസ്
കൊറോണക്കെതിരെ ജനങ്ങളുടെ ജാഗ്രത കുറയുന്നതായി പ്രധാനമന്ത്രി നരേന്ദ്ര മോദി. മരുന്ന് കണ്ടെത്തുന്നതുവരെ ഒരു അശ്രദ്ധയും പാടില്ലെന്ന് പ്രധാനമന്ത്രി പറഞ്ഞു. മാസ്ക് ധരിക്കല്, സാമൂഹിക അകലം പാലിക്കല് എന്നിവ ഇതിനെതിരായ പോരാട്ടത്തില് പ്രധാനമാണെന്നും മോദി പറഞ്ഞു.
പ്രധാന മന്ത്രി ആവാസ് യോജന പ്രകാരം നിര്മിച്ച വീടുകളുടെ ഗൃഹപ്രവേശ ചടങ്ങുമായി ബന്ധപ്പെട്ട് വീഡിയോ കോണ്ഫറന്സ് വഴി സംസാരിക്കുകയായിരുന്നു അദ്ദേഹം. ഇന്ത്യയില് ഒരു ദിവസം ഒരു ലക്ഷത്തിലേറെ കോവിഡ് കേസുകളാണ് റിപ്പോര്ട്ട് ചെയ്യുന്നത്. ഈ കണക്ക് കൂടിവരികയുമാണ്
കോവിഡ് പട്ടികയില് ബ്രസീലിനെ പിന്തള്ളി ഇന്ത്യ രണ്ടാം സ്ഥാനത്ത് എത്തി. നിലവിലെ നിരക്കില് കേസുകളുടെ എണ്ണം വര്ധിച്ചാല് ഏതാനും മാസങ്ങള്ക്കുള്ളില് അമേരിക്കയെയും ഇന്ത്യ മറികടക്കുമെന്നാണ് വിദഗ്ധര് ചൂണ്ടിക്കാണിക്കുന്നത്