![“Manju”](https://santhigirinews.org/wp-content/uploads/2020/04/YOUTUBE.jpg")
സി.പി.എമ്മിന്റെ തെറ്റുതിരുത്തല്‍ രേഖയ്‌ക്ക്‌ വിരുദ്ധമായ കാര്യങ്ങളാണ്‌ സിപിഎം സംസ്ഥാന സെക്രട്ടറിയുടെ കുടുംബവുമായി ബന്ധപ്പെട്ട്‌ പുറത്ത്‌ വരുന്നത്‌. നേതാക്കളും അവരുടെ കുടുംബവും സംശുദ്ധി പുലര്‍ത്തണമെന്ന സിപിഎമ്മിന്റെ പ്രമേയം പാര്‍ട്ടി സെക്രട്ടറിയുടെയും മുഖ്യമന്ത്രിയുടേയും മറ്റ്‌ ഉന്നത സിപിഎം നേതാക്കളുടേയും കാര്യത്തില്‍ മാത്രം പ്രാബല്യത്തില്‍ വരുന്നില്ല.മയക്കുമരുന്ന്‌ ലോബിയുമായുള്ള ബന്ധം, അനധികൃത സ്വത്ത്‌ സമ്പാദനം തുടങ്ങിയ നിരവധി കേസുകളിലാണ്‌ കേന്ദ്ര ഏജന്‍സികള്‍ പാര്‍ട്ടി സെക്രട്ടറിയുടെ മകനെ തുടരെ ചോദ്യം ചെയ്‌തത്‌.മൊഴിയുടെ വൈരുദ്ധ്യം ചൂണ്ടിക്കാട്ടി അന്വേഷണ ഏജന്‍സികള്‍ പാര്‍ട്ടി സെക്രട്ടറിയുടെ മകന്‌ ക്ലീന്‍ചീറ്റ്‌ നല്‍കിയിട്ടുമില്ല.ഇതിനോട്‌ പ്രതികരിക്കാന്‍ സി.പി.എം സംസ്ഥാന ഘടകവും പോളിറ്റ്‌ ബ്യൂറോയും തയ്യാറാകുന്നില്ല.പാര്‍ട്ടിയിലെ അച്ചടക്കം സംബന്ധിച്ച്‌ നേതാക്കള്‍ക്ക്‌ ഒരു നിയമവും അണികള്‍ക്ക്‌ മറ്റൊന്നുമാണ്‌ സിപിഎം നേതൃത്വം നടപ്പാക്കുന്നത്‌. അണികളെ വഞ്ചിക്കുന്ന പ്രസ്ഥാനമാണ്‌ സിപിഎമ്മെന്നും ഇപ്പോള്‍ അവര്‍ ജീര്‍ണ്ണതയുടെ പാരമ്യത്തിലെത്തിയെന്നും മുല്ലപ്പള്ളി പറഞ്ഞു.
