![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോൾ. ആർ
ന്യൂഡല്‍ഹി: റിപ്പബ്ലിക് ദിനാഘോഷങ്ങള്‍ക്കിടെ മൊബൈല്‍ ഇന്റർനെറ്റ് സേവനങ്ങള്‍ റദ്ദാക്കി ജമ്മു കശ്മീര്‍ .റിപ്പബ്ലിക് ദിനാഘോഷങ്ങളുടെ ഭാഗമായി സുരക്ഷ മുന്‍നിര്‍ത്തിയാണ് ഇന്‍റര്‍നെറ്റ് സേവനങ്ങള്‍ റദ്ദാക്കിയതെന്നാണ് കേന്ദ്രസര്‍ക്കാര്‍ വിശദീകരണമെന്ന് ദേശീയ വാര്‍ത്താ ഏജന്‍സി റിപ്പോര്‍ട്ടു ചെയ്‍തു.
സ്വാതന്ത്ര്യദിനത്തിലും റിപ്പബ്ലിക് ദിനത്തിലും കശ്‍മീരില്‍ ഇന്‍റര്‍നെറ്റ് സേവനങ്ങള്‍ താല്‍ക്കാലികമായി നിര്‍ത്തിവെക്കാറുണ്ട്. 2005 മുതലാണ് ഈ രീതി തുടങ്ങിയത്. 2005ല്‍ മൊബൈല്‍ ഫോണ്‍ ഉപയോഗിച്ച്‌ സ്വാതന്ത്ര്യദിനത്തില്‍ ഒരു സമ്മേളന വേദിയില്‍ തീവ്ര വാദികള്‍ സ്ഫോടനം നടത്തിയിരുന്നു. ഇതേ തുടര്‍ന്നാണ് സുരക്ഷാ ക്രമീകരണങ്ങള്‍ ഏര്‍പ്പെടുത്തിയത്. അതെ സമയം ജമ്മു കാഷ്മീരില്‍ പ്രത്യേക സംസ്ഥാന പദവി റദ്ദാക്കിയ ശേഷം നരേന്ദ്ര മോദി സര്‍ക്കാര്‍ ഇന്‍റര്‍നെറ്റ് നിരോധനം ഏര്‍പ്പെടുത്തിയിരുന്നു.
