നീറ്റ് പരീക്ഷാ ഫലം: കൊയിലാണ്ടി സ്വദേശിനിയ്ക്ക പന്ത്രണ്ടാം റാങ്ക്, കേരളത്തില്‍ ഒന്നാമത്

സിന്ധുമോൾ. ആർ

ന്യൂഡെല്‍ഹി: ദേശീയ മെഡിക്കല്‍ പ്രവേശനപരീക്ഷയായ ‘നീറ്റി’ല്‍ കോഴിക്കോട് കൊയിലാണ്ടി സ്വദേശിയായ എസ് ആഇശയ്ക്കാണ് നീറ്റ് പരീക്ഷയില്‍ പന്ത്രണ്ടാം റാങ്ക്. മൂന്ന് വര്‍ഷം നീണ്ട കഠിനാധ്വാനം ഫലം കണ്ടതിന്റെ സന്തോഷത്തിലാണ് എസ് ആഇശ. കൊയിലാണ്ടി കൊല്ലം ഷാജിയില്‍ എ പി അബ്ദുള്‍ റസാക്കിന്റെയും ഷെമീമയുടെയും മകളാണ്. 710 മാര്‍ക്ക് നേടി അഖിലേന്ത്യാ തലത്തില്‍ പന്ത്രണ്ടാം റാങ്ക് നേടിയ ആഇശ കേരളത്തില്‍ ഒന്നാമതാണ്. ഒബിസി വിഭാഗത്തില്‍ രണ്ടാം റാങ്കും.

ഒഡിഷയില്‍ നിന്നുള്ള ഷൊയ്ബ് അഫ്താബ് 720-ല്‍ 720 മാര്‍ക്കും നേടി അഖിലേന്ത്യാതലത്തില്‍ ഒന്നാമനായി. ലുലു എ റാങ്ക് (22), സനിഷ് അഹമ്മദ് (25), ഫിലെമോന്‍ കുര്യാക്കോസ് എന്നിവര്‍. കേരളത്തില്‍ നിന്ന് ആകെ പരീക്ഷയെഴുതിയ 92,911 ല്‍ 59,404 പേര്‍ റാങ്ക് പട്ടികയില്‍ ഉള്‍പ്പെട്ടു. കോവിഡ് വ്യാപനം രൂക്ഷമായിരുന്നിട്ടും 14.37 ലക്ഷത്തിലധികം വിദ്യാര്‍ത്ഥികളാണ് പരീക്ഷയെഴുതിയത്.