സിന്ധുമോൾ. ആർ
തിരുവനന്തപുരം: വനിതകള് ഉള്പ്പെടെ സ്ഥാനാര്ഥികളെ സമൂഹമാധ്യമങ്ങളില് അധിക്ഷേപകരമായി ചിത്രീകരിക്കുന്നതിനെതിരെ കര്ശന നടപടി സ്വീകരിക്കാന് ജില്ലാ പൊലീസ് മേധാവികള്ക്ക് സംസ്ഥാന പൊലീസ് മേധാവി ലോക്നാഥ് ബെഹ്റ നിര്ദേശം നല്കി.
സ്ഥാനാര്ഥികളുടെ പ്രചാരണചിത്രങ്ങളും സ്വകാര്യചിത്രങ്ങളും എഡിറ്റ് ചെയ്തും അശ്ലീല പദങ്ങള് ഉപയോഗിച്ചും സമൂഹമാധ്യമങ്ങളില് പ്രചരിപ്പിക്കുന്നത് ശ്രദ്ധയില്പെട്ടതിനെതുടര്ന്നാണ് ഈ നിര്ദേശം. ഇത്തരം സംഭവങ്ങളില് സ്വീകരിക്കുന്ന നടപടികള് ഉടന് പൊലീസ് ആസ്ഥാനത്തെ ഇലക്ഷന് സെല്ലില് അറിയിക്കണമെന്നും നിര്ദേശിച്ചിട്ടുണ്ട്.