ശ്രീജ.എസ്
തദ്ദേശ സ്വയംഭരണ തെരഞ്ഞെടുപ്പിനോടനുബന്ധിച്ച് ബന്ധപ്പെട്ട സര്ക്കാര് സ്ഥാപനങ്ങളെല്ലാം അവധി ദിവസങ്ങളിലും പ്രവര്ത്തിക്കണമെന്ന് സംസ്ഥാന തെരഞ്ഞെടുപ്പ് കമ്മിഷന്. കളക്ടറേറ്റിലെ തെരഞ്ഞെടുപ്പ് വിഭാഗം ഓഫീസുകളും വരാണാധികാരികളുടെ ഓഫീസുകളും തെരഞ്ഞെടുപ്പുമായി ബന്ധപ്പെട്ട മറ്റെല്ലാ ഓഫീസുകളും തദ്ദേശഭരണ സ്ഥാപനങ്ങളും അവധി ദിവസങ്ങളില് തുറന്നു പ്രവര്ത്തിക്കണമെന്നാണ് നിര്ദേശം നല്കിയിരിക്കുന്നത്.
തെരഞ്ഞെടുപ്പുമായി ബന്ധപ്പെട്ട് പ്രവര്ത്തിക്കുന്ന ജീവനക്കാര്ക്ക് വളരെ അത്യാവശ്യ ഘട്ടങ്ങളിലല്ലാതെ ലീവ് അനുവദിച്ചു നല്കരുതെന്നും തെരഞ്ഞെടുപ്പ് കമ്മീഷന് നിര്ദേശം നല്കി. പോളിംഗ് സാമഗ്രികളുടെ സ്വീകരണവിതരണ കേന്ദ്രങ്ങളും സജ്ജീകരിക്കല്, നാമനിര്ദേശ പത്രികളിന്മേലുള്ള തുടര് നടപടികള്, വോട്ടിംഗ് മെഷീനുകളിലെ കാന്ഡിഡേറ്റ് സെറ്റിംഗ് തുടങ്ങിയവയെല്ലാം ഉടനെ പൂര്ത്തിയാക്കേണ്ടതുണ്ട്.