കരിപ്പൂര് വിമാനത്താവളത്തിന്റെ റണ്വേ നീളം കുറയ്ക്കാന് എയര്പോര്ട്ട് അതോറിറ്റി നടപടി തുടങ്ങികഴിഞ്ഞു. റണ്വേ സുരക്ഷാ മേഖല വര്ധിപ്പിക്കുന്നതിന്റെ ഭാഗമായാണ് ഈ നടപടി. ഇത് സംബന്ധിച്ച് വിമാനത്താവള ഡയറക്ടര്ക്ക് എയര്പോര്ട്ട് അതോറിറ്റി കഴിഞ്ഞ ദിവസം കത്തയച്ചു.
വിമാനത്താവളത്തിലെ റണ്വേ കുറക്കുന്നതിനെതിരെ വിവിധ സംഘടനകള് പ്രതിഷേധം ശക്തമാക്കുന്നതിനിടയിലാണ് അതോറിറ്റിയുടെ ഈ നടപടി. റണ്വേ കാര്പ്പറ്റിംഗിനൊപ്പം റണ്വേയുടെ നീളം കുറക്കുമെന്നും വിമാനത്താവള ഡയറക്ടര്ക്ക് എയര്പോര്ട്ട് അതോറിറ്റി അയച്ച കത്തില് പറയുന്നു.