സിന്ധുമോൾ. ആർ
അമൃത്സര്: കോവിഡ് വ്യാപനം രൂക്ഷമാകുന്ന സാഹചര്യത്തില് പഞ്ചാബില് കൂടുതല് നിയന്ത്രണങ്ങള് ഏര്പ്പെടുത്താന് സംസ്ഥാന സര്ക്കാര് തീരുമാനിച്ചു. സംസ്ഥാനത്താകെ രാത്രികാല കര്ഫ്യൂ പ്രഖ്യാപിച്ചിട്ടുണ്ട്. മുഖ്യമന്ത്രി അമരീന്ദര് സിംഗാണ് ഇക്കാര്യം അറിയിച്ചത്.
ഈ നിയന്ത്രണം എല്ലാ നഗരങ്ങളിലും ബാധകമായിരിക്കും. രാത്രി പത്ത് മുതല് രാവിലെ അഞ്ച് വരെയാണ് കര്ഫ്യു. കോവിഡ് മാനദണ്ഡങ്ങള് ലംഘിക്കുന്നവരില് നിന്നും പിഴ ഈടാക്കും. പിഴശിക്ഷ സര്ക്കാര് ഇരട്ടിയാക്കിയിട്ടുണ്ട്. കോവിഡ് മാനദണ്ഡങ്ങള്ക്ക് വിരുദ്ധമായി പ്രവര്ത്തിക്കുന്നവര്ക്കുള്ള പിഴശിക്ഷ 1,000 രൂപയായാണ് ഉയര്ത്തിയത്.