സിന്ധുമോൾ. ആർ
തിരുവനന്തപുരം: നെടുമങ്ങാട് നവജാത ശിശുവിനെ കൊന്ന് വീടിന് പിന്നില് കുഴിച്ചുമൂടിയ നിലയില് കണ്ടെത്തി. മൂന്ന് ദിവസം പ്രായമുള്ള കുഞ്ഞാണ് മരിച്ചത്. സ്ഥലത്ത് പോലീസ് പരിശോധന തുടങ്ങി. നെടുമങ്ങാട് സ്വദേശി വിജി (29) ആണ് കുഞ്ഞിന്റെ അമ്മയെന്നാണ് സംശയിക്കുന്നത്. ഭര്ത്താവില് നിന്നും അകന്ന് കഴിയുന്ന യുവതി പിതാവിനും സഹോദരനും ഒപ്പമാണ് വീട്ടില് കഴിഞ്ഞിരുന്നത്. മൂവരെയും പുലര്ച്ചെ മുതല് കാണാനില്ല.
പരിസരവാസികളാണ് വീടിന് പിന്നില് മൃതദേഹം കുഴിച്ചിട്ട നിലയില് കണ്ടെത്തിയത്. പിന്നാലെ വിവരം പോലീസിനെ അറിയിച്ചു. വിജി ഗര്ഭിണിയാണെന്ന് അയല്വാസികള്ക്ക് നേരത്തെ തന്നെ സംശയമുണ്ടായിരുന്നു. എന്നാല് യുവതി ഇക്കാര്യം സമ്മതിച്ചിരുന്നില്ല. വീട്ടില് നിന്നും നെടുമങ്ങാട് താലൂക്ക് ആശുപത്രിയിലെ രേഖകള് പോലീസ് കണ്ടെത്തിയിട്ടുണ്ട്. ഇവരെ കണ്ടെത്താനുള്ള ശ്രമം പോലീസ് തുടങ്ങി.