തിരുവനന്തപുരം: നായയെ കാറില് കെട്ടിവലിച്ച സംഭവത്തില് ഡ്രൈവറുടെ ലൈസന്സ് മൂന്ന് മാസത്തേക്ക് സസ്പെന്ഡ് ചെയ്തു. കുന്നുകര സ്വദേശി യൂസഫിന്റെ ലൈസന്സാണ് സസ്പെന്ഡ് ചെയ്തത്. വാഹന പെര്മിറ്റ് ഒരു മാസത്തേക്കും റദ്ദ് ചെയ്തു. എറണാകുളം ആര്.ടി.ഒ ബാബു ജോണിന്റെ നിര്ദേശപ്രകാരം പറവൂര് ജോയിന്റ് ആര്.ടി.ഒ രാജീവാണ് നടപടി സ്വീകരിച്ചത്. നേരത്തെ യൂസഫിന്റെ ലൈസന്സ് റദ്ദാക്കാന് ഗതാഗത മന്ത്രി ഉത്തരവിട്ടിരുന്നു.
യൂസഫിന് തിങ്കളാഴ്ച കാരണം കാണിക്കല് നോട്ടീസ് നല്കിയിരുന്നു. എന്നാല്, വിശദീകരണം തൃപ്തികരമല്ലാതെ വന്നതോടെയാണ് നടപടി സ്വീകരിച്ചത്. മൂന്നു മാസത്തേക്ക് എല്ലാ തരത്തിലുള്ള മോട്ടോര് വാഹനങ്ങള് ഓടിക്കുന്നതില് നിന്നും വിലക്കി.
കുന്നുകര പഞ്ചായത്തിലെ ചാലാക്ക–കുത്തിയതോട് റോഡില് കഴിഞ്ഞ 11ന് രാവിലെ 11ഓടെയാണ് സംഭവം. ഓടുന്ന കാറിന്റെ പിറകില് നായെ കെട്ടിവലിക്കുന്ന ദൃശ്യങ്ങള് സമൂഹമാധ്യമങ്ങളിലൂടെ പുറത്തുവന്നതോടെ യൂസുഫിനെതിരെ വ്യാപക ജനരോഷമുയര്ന്നിരുന്നു.