ശ്രീജ.എസ്
ന്യൂഡല്ഹി: ബ്രിട്ടനില് അതിവേഗം പടരുന്ന പുതിയ തരം കൊറോണ വൈറസ് കണ്ടെത്തിയ സാഹചര്യത്തില് ബ്രിട്ടണില് നിന്നുള്ള എല്ലാ വിമാനസര്വീസുകളും റദ്ദാക്കണമെന്ന് ഡല്ഹി മുഖ്യമന്ത്രി അരവിന്ദ് കേജരിവാള് കേന്ദ്രത്തോട് ആവശ്യപ്പെട്ടു. കൊറോണ വൈറസിന്റെ ജനിതകമാറ്റം സംഭവിച്ച പുതിയ സ്ട്രെയ്ന് അതിവേഗത്തില് പടരുന്നതാണെന്നും അദ്ദേഹം ട്വീറ്റില് ചൂണ്ടിക്കാട്ടി.
യുകെയില് പുതിയ തരം കൊറോണ വൈറസ് കണ്ടെത്തിയതിനെ തുടര്ന്ന് യൂറോപ്യന് രാജ്യങ്ങള് യാത്രാ നിരോധനം ഏര്പ്പെടുത്തിയിട്ടുണ്ട്. അയര്ലന്ഡ്, ജര്മനി, ഫ്രാന്സ്, ഇറ്റലി, നെതര്ലന്ഡ്സ്, ബെല്ജിയം എന്നീ രാജ്യങ്ങളെല്ലാം യുകെയില്നിന്നുള്ള വിമാന സര്വീസ് നിര്ത്തിവച്ചു.