ബ്രിട്ടീഷ് പ്രധാനമന്ത്രി റിപ്പബ്ലിക്ക് ദിന പരേഡില് പങ്കെടുക്കാന് സാദ്ധ്യതയില്ല
സിന്ധുമോൾ. ആർ
ന്യൂഡല്ഹി: ബ്രിട്ടീഷ് പ്രധാനമന്ത്രി ബോറിസ് ജോണ്സന്റെ ഇന്ത്യാ സന്ദര്ശനം നടന്നേക്കില്ലെന്ന് റിപ്പോര്ട്ട്. കൊറോണ വൈറസിന്റെ അതിവേഗം പടരുന്ന പുതിയ വകഭേദം ബ്രിട്ടനില് റിപ്പോര്ട്ട് ചെയ്തിരുന്നു. ഇതുമായി ബന്ധപ്പെട്ട ആശങ്കകള് നിലനില്ക്കുന്നതിനാല് ബോറിസ് ജോണ്സന്റെ സന്ദര്ശനം ഉണ്ടായേക്കില്ലെന്ന് ബ്രിട്ടീഷ് മെഡിക്കല് അസോസിയേഷന് അധ്യക്ഷന് ഡോ. ചന്ദ് നാഗ്പോള് പറഞ്ഞു.
വരുന്ന അഞ്ച് ആഴകളെ സംബന്ധിച്ച് ഇപ്പോള് തീരുമാനമെടുക്കുക എന്നത് ബുദ്ധിമുട്ടാണെന്നും വൈറസിന്റെ മാറ്റങ്ങള് ദൈനംദിന അടിസ്ഥാനത്തില് സംഭവിക്കുകയാണെന്നും അദ്ദേഹം പറയുന്നു. തുടര്ന്നാണ് ഈ തോതിലുള്ള അണുബാധയും രോഗവ്യാപനവും തുടരുകയാണെങ്കില് ഇന്ത്യയിലേക്കുള്ള യാത്ര സാദ്ധ്യമായിരിക്കില്ല എന്നദ്ദേഹം പറഞ്ഞത്.അടുത്ത മാസം ഡല്ഹിയില് നടക്കുന്ന റിപ്പബ്ലിക് ദിന പരേഡില് ബോറിസ് ജോണ്സണെ ഇന്ത്യ മുഖ്യാതിഥിയായി ക്ഷണിച്ചിരുന്നു.