സിന്ധുമോൾ. ആർ
ജീത്തു ജോസഫിന്റെ സംവിധാനത്തില് മോഹന്ലാല് പ്രധാനകഥാപാത്രത്തെ അവതരിപ്പിക്കുന്ന ദൃശ്യം ടുവിന്റെ ടീസര് പുറത്തിറങ്ങി. ആമസോണ് പ്രൈം വീഡിയോയാണ് ടീസര് പുറത്തിറക്കിയത്. ആമസോണ് പ്രൈമില് 2021ല് ചിത്രം റിലീസ് ചെയ്യും. ആമസോണ് പ്രൈമില് റിലീസ് ചെയ്യുന്നതോടെ ചിത്രം 240 രാജ്യങ്ങളിലേക്ക് ആയിരിക്കും എത്തുക.
ജീത്തു ജോസഫ് – മോഹന്ലാല് കൂട്ടുകെട്ടില് മറ്റൊരു മെഗാഹിറ്റാണ് കേരളം പ്രതീക്ഷിക്കുന്നത്. 46 ദിവസം കൊണ്ടായിരുന്നു ദൃശ്യം ടുവിന്റെ ചിത്രീകരണം പൂര്ത്തിയായത്. ചിത്രത്തിന്റെ ഷൂട്ടിംഗിനായി 56 ദിവസം ആയിരുന്നു പ്ലാന് ചെയ്തിരുന്നതെങ്കിലും പത്തു ദിവസം മുമ്ബേ ചിത്രീകരണം പൂര്ത്തിയാക്കാന് കഴിഞ്ഞതായി സംവിധായകന് ജീത്തു ജോസഫ് സോഷ്യല് മീഡിയയിലൂടെ അറിയിച്ചിരുന്നു.
കശനമായ കോവിഡ് നിയന്ത്രണങ്ങളോടെ ആയിരുന്നു ദൃശ്യം ടുവിന്റെ ചിത്രീകരണം. സെപ്റ്റംബര് 21ന് ആയിരുന്നു ചിത്രീകരണം ആരംഭിച്ചത്. കോവിഡ് ലോക്ക് ഡൗണിന് ശേഷം മോഹന്ലാല് ആദ്യമായി അഭിനയിച്ച സിനിമ കൂടിയായിരുന്നു ദൃശ്യം. മോഹന്ലാല് ഉള്പ്പെടെയുള്ള താരങ്ങള് ഷൂട്ടിംഗ് തീരുന്നതു വരെ ക്രൂവിനൊപ്പം താമസിച്ച് ആയിരുന്നു ചിത്രീകരണം പൂര്ത്തിയാക്കിയത്.