‘മരട് 357’ ; ഫ്ലാറ്റ് പൊളിക്കലിന്റെ കഥപറയുന്ന ചിത്രം ഫെബ്രുവരി 19ന്.
കണ്ണന് താമരക്കുളം സംവിധാനം ചെയ്യുന്ന മരട് 357ൻ്റെ റിലീസ് തീയ്യതി പുറത്ത് വിട്ടു. സംസ്ഥാനത്തെ തീയേറ്ററുകൾ ജനുവരി 13ന് തുറക്കാൻ തീരുമാനിച്ചതോടെയാണ് ചിത്രത്തിൻ്റെ റിലീസിൻ്റെ കാര്യത്തിലും തീരുമാനമായിരിക്കുന്നത്. ഫെബ്രുവരി 19ന് ചിത്രം തീയേറ്ററുകളിലെത്തുമെന്ന് അണിയറ പ്രവർത്തകർ അറിയിച്ചു. കേരളത്തിൽ കഴിഞ്ഞ വർഷം നടന്ന മരട് ഫ്ലാറ്റ് പൊളിക്കല് സംഭവവുമായി ബന്ധപ്പെട്ട് 357ഓളം കുടുംബങ്ങള്ക്ക് വീട് നഷ്ടപ്പെട്ട യഥാര്ത്ഥ സംഭവമാണ് മരട് 357 പറയുന്നത്.
‘പട്ടാഭിരാമന്’ എന്ന സിനിമയ്ക്ക് ശേഷം കണ്ണന് താമരക്കുളം സംവിധാനം ചെയ്യുന്ന ചിത്രമാണിത്. സുധീഷ് , ഹരീഷ് കണാരന്, കൈലാഷ്, ശ്രീജിത്ത് രവി, ജയന് ചേര്ത്തല, ജയകൃഷ്ണന്, ബഷീര്, പടന്നയില്, മുഹമ്മദ് ഫൈസല്, കൃഷ്ണ , മന്രാജ്, അനില് പ്രഭാകര്, വിഷ്ണു, കലാഭവന് ഫനീഫ്, ശരണ്, പോള് താടിക്കാരന്, അഞ്ചലി, സരയൂ, ശോഭ സിംഗ് തുടങ്ങി മലയാളത്തിലെ വന് താരനിര തന്നെ ചിത്രത്തിലുണ്ട്. അബാം മൂവീസിന്റെ ബാനറില് അബ്രഹാം മാത്യുവും സ്വര്ണ്ണലയ സിനിമാസിന്റെ ബാനറില് സുദര്ശനന് കാഞ്ഞിരക്കുളവും ചേര്ന്ന് നിര്മ്മിക്കുന്ന ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത് രവിചന്ദ്രനാണ്