പക്ഷിപ്പനി; ചെങ്കോട്ടയിൽ പൊതുജനങ്ങൾക്ക് പ്രവേശനം നിരോധിച്ചു;

ന്യൂഡൽഹി: റിപ്പബ്ലിക് ദിനാഘോഷം വരെ ചെങ്കോട്ടയിൽ പൊതുജനങ്ങൾക്കുള്ള പ്രവേശനത്തിന് വിലക്ക്. ചെങ്കോട്ടയിൽ ചത്ത നിലയിൽ കണ്ടെത്തിയ കാക്കകൾക്ക് പക്ഷിപ്പനി സ്ഥിരീകരിച്ചതിനെ തുടർന്നാണ് പൊതുജനങ്ങൾക്കുള്ള പ്രവേശനത്തിന് വിലക്ക് ഏർപ്പെടുത്താൻ അധികൃതർ തീരുമാനിച്ചത്. ജനുവരി 26 വരെ ചെങ്കോട്ട അടച്ചിടാനാണ് അധികൃതരുടെ തീരുമാനം.

നേരത്തെ ഡൽഹിയിലെ ചിക്കൻ വിൽപ്പനയ്ക്ക് സർക്കാർ നിരോധനം ഏർപ്പെടുത്തിയിരിക്കുകയായിരുന്നു. എന്നാൽ സംസ്ഥാനത്ത് പക്ഷിപ്പനി വ്യാപനമില്ലെന്ന വിലയിരുത്തലിന്റെ അടിസ്ഥാനത്തിൽ പിന്നീട് വ്യാഴാഴ്ച്ച ഈ നിയന്ത്രണങ്ങളിൽ സർക്കാർ ഇളവ് വരുത്തുകയും ചെയ്തിരുന്നു.