![“Manju”](https://santhigirinews.org/wp-content/uploads/2020/04/YOUTUBE.jpg")
ജിദ്ദ: അഴിമതിക്കെതിരെ ശക്തവും കര്‍ശനവുമായ പോരാട്ടം തുടര്‍ന്ന് സൗദി ഭരണകൂടം. സാമ്ബത്തിക ക്രമക്കേടും അഴിമതിയും കൈക്കൂലിയുമായി ബന്ധപ്പെട്ട കുറ്റകൃത്യങ്ങളിലേര്‍പ്പെട്ട നിരവധി പേര്‍ പിടിയിലായി. മുന്‍ ജഡ്ജിയും നിരവധി സര്‍ക്കാര്‍ ഉദ്യോഗസ്ഥരും സര്‍വിസില്‍നിന്ന് വിരമിച്ചവരും വിദേശികളും പിടിയിലായവരിലുള്‍പ്പെടും. ആരോഗ്യ മന്ത്രാലയത്തിലെ 24 ജീവനക്കാര്‍, കാലാവസ്ഥ വകുപ്പിലെ 15 ജീവനക്കാര്‍, മുനിസിപ്പല്‍ ഗ്രാമകാര്യാലയത്തിലെ 14 ജീവനക്കാര്‍, സര്‍വകലാശാലയിലെ രണ്ട് ഫാക്കല്‍റ്റി അംഗങ്ങള്‍, മെഡിക്കല്‍ മാലിന്യ സംസ്കരണ കമ്ബനിയിലെ 16 ജീവനക്കാര്‍ എന്നിവര്‍ ദശലക്ഷക്കണത്തിന് റിയാലിെന്‍റ തട്ടിപ്പില്‍ പങ്കാളികളെന്ന നിലയിലായത് പിടിയിലായത്. യാത്രാ ടിക്കറ്റുകള്‍, ഹോട്ടല്‍ റിസര്‍വേഷനുകള്‍, വ്യക്തിഗത ഉപയോഗത്തിന് കാറുകള്‍ എന്നിവ കൈക്കൂലിയായി കൈപ്പറ്റി, സ്വന്തം ബന്ധുക്കളെ ചട്ടം ലംഘിച്ച്‌ കമ്ബനികളില്‍ നിയമിച്ചു തുടങ്ങിയവയാണ് ഇവര്‍ക്കെതിരായ കേസുകള്‍. മുന്‍ ജഡ്ജി തന്റെ സേവനകാലത്ത് വിധി പുറപ്പെടുവിച്ചതിന് ഉപഹാരമായി ആഡംബര വാഹനം കൈപ്പറ്റിയ കേസിലാണ് നടപടി നേരിടുന്നത്. ഒരു പ്രതിയെ രക്ഷപ്പെടുത്താന്‍ ഇയാള്‍ അവിഹിതമായി ഇടപെട്ടു എന്ന കേസുമുണ്ട്.ഈ പ്രതിക്കെതിരായ മൂന്ന് കോടതി വിധികള്‍ ഈ ജഡ്ജി റദ്ദാക്കുകയും പ്രതിക്ക് ജയില്‍മോചിതനാകാന്‍ സൗകര്യമൊരുക്കുകയും ചെയ്തു.
