![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: കേന്ദ്ര സര്‍ക്കാറിന്റെ മൂന്ന് കാര്‍ഷിക നിയമങ്ങള്‍ക്കെതിരെ പ്രക്ഷോഭം നടക്കുന്ന ഡല്‍ഹി അതിര്‍ത്തിയായ ടിക്രിയില്‍ ഒരു കര്‍ഷകന്‍ കൂടി ജീവനൊടുക്കി. ഹരിയാന ജിന്ദ് സ്വദേശിയായ കരം വീര്‍ സിങ്ങാണ് ആത്മഹത്യ ചെയ്തത്. 52 വയസായിരുന്നു.
തന്‍റെ മരണത്തിന് ഉത്തരവാദി കേന്ദ്രസര്‍ക്കാറാണെന്ന് വ്യക്തമാക്കുന്ന കുറിപ്പും സമീപത്തുനിന്ന് കണ്ടെടുത്തു.
70 ദിവസം പിന്നിടുന്ന കര്‍ഷകപ്രക്ഷോഭത്തിനിടെ നിരവധി കര്‍ഷകരാണ് ജീവനൊടുക്കിയത്. കൂടാതെ നിരവധിപേര്‍ വിവിധ അപകടങ്ങളിലും കടുത്ത ശൈത്യത്തെ തുടര്‍ന്നും മരിച്ചുവീണിരുന്നു.
കര്‍ഷകന്‍റെ മൃതദേഹം പോസ്റ്റ്മോര്‍ട്ടത്തിന് അയച്ചു. കരം വീര്‍ സിങ് എഴുതിയ ആത്മഹത്യക്കുറിപ്പ് ഉത്തര്‍പ്രദേശ് കോണ്‍ഗ്രസ് ട്വിറ്ററില്‍ പങ്കുവെച്ചു. പ്രധാനമന്ത്രി നരേന്ദ്രമോദിയെയും സര്‍ക്കാറിനെയും വിമര്‍ശിച്ചുള്ളതായിരുന്നു കത്ത്.
11 വട്ടം കര്‍ഷകരും കേന്ദ്രവും തമ്മില്‍ ചര്‍ച്ച നടത്തിയിട്ടും പ്രശ്ന പരിഹാരമായില്ലായിരുന്നു. കാര്‍ഷിക നിയമങ്ങള്‍ പിന്‍വലിക്കണമെന്നാണ് കര്‍ഷകരുടെ ആവശ്യം.
