സെക്രട്ടറിയേറ്റിലേയ്ക്ക് നടത്തിയ കെ.എസ്.യു മാർച്ചിൽ സംഘർഷം

തിരുവനന്തപുരം : സെക്രട്ടറിയറ്റിലേയ്ക്ക് നടത്തിയ കെ.എസ്.യു മാർച്ചിൽ സംഘർഷം. സർക്കാരിന്റെ പിൻവാതിൽ നിയമനങ്ങൾക്കും കേരള സർവ്വകലാശാലയുടെ മാർക്ക് ദാനത്തിലും അന്വേഷണം വേണമെന്നാവശ്യപ്പെട്ട് നടത്തിയ മാർച്ചിലാണ് സംഘർഷമുണ്ടായത്. പോലീസ് ജലപീരങ്കി ഉപയോഗിച്ചു.

സെക്രട്ടറിയറ്റിലേയ്ക്ക് കടക്കാൻ ശ്രമിച്ചവർക്ക് നേരെ പോലീസ് ജലപീരങ്കി ഉപയോഗിക്കുകയായിരുന്നു. തുടർന്ന് പോലീസും പ്രവർത്തകരും തമ്മിൽ ഉന്തും തള്ളുമായി.