ദിഷ രവിയുടെ അറസ്റ്റില് വ്യാപക പ്രതിഷേധം
ന്യൂഡല്ഹി: യുവ പരിസ്ഥിതി പ്രവര്ത്തക ദിഷ രവിയുടെ അറസ്റ്റില് പ്രതിഷേധം കനക്കുന്നു. സംഭവത്തെ അപലപിച്ച് മുന് പരിസ്ഥിതി മന്ത്രി ജയ്റാം രമേഷ്, പി. ചിദംബരം, ശശി തരൂര്, പ്രിയങ്ക ചതുര്വേദി, സീതാറാം യെച്ചൂരി ഉള്പ്പടെയുള്ള പ്രതികരണവുമായി രംഗത്തെത്തി.
ഗ്രേറ്റ ടൂള് കിറ്റ് കേസിലാണ് ദിഷ രവിയെ പോലീസ് അറസ്റ്റ് ചെയ്തത്. അതേസമയം, ദിഷ രവിയെ അന്വേഷണ സംഘം ഇന്ന് കൂടുതല് ചോദ്യം ചെയ്യും.
ഡല്ഹിയിലെ കര്ഷക സമരവുമായി ബന്ധപ്പെട്ട് സ്വീഡിഷ് പരിസ്ഥിതി പ്രവര്ത്തക ഗ്രേറ്റ തുന്ബര്ഗിന്റെ ടൂള് കിറ്റ് ട്വീറ്റാണ് കേസിന് ആധാരം. കര്ഷക സമരങ്ങളെ പിന്തുണയ്ക്കുന്നവര് അറിയേണ്ടതും ചെയ്യേണ്ടതുമായ കാര്യങ്ങളാണ് കിറ്റിലുണ്ടായിരുന്നത്.
ഈ കിറ്റിന് പിന്നില് ഖാലിസ്ഥാനി അനുകൂല സംഘടനായാണെന്നാണ് പോലീസിന്റെ വാദം. സംഭവത്തില് പോലീസ് കേസെടുത്തിരുന്നു. ഇതിന്റെ അന്വേഷണ ഭാഗമായാണ് ദിഷ രവിയെ പോലീസ് അറസ്റ്റ് ചെയ്തത്.