ന്യൂഡല്ഹി: രാജ്യത്ത് പ്രതിദിന കോവിഡ് രോഗികളുടെ എണ്ണം ഉയര്ന്നു. 13,993 പേര്ക്കാണ് രോഗബാധ സ്ഥിരീകരിച്ചത്. 10.97 ലക്ഷം പേര്ക്കാണ് ഇതുവരെ രോഗം ബാധിച്ചത്. നിലവില് 143,127 പേരാണ് ചികില്സയിലുള്ളത്.
കേരളത്തിലും മഹാരാഷ്ട്രയിലുമാണ് കോവിഡ് രോഗികളുടെ എണ്ണം ഉയരുന്നത്. മഹാരാഷ്ട്രയില് 6,000 പേര്ക്ക് കഴിഞ്ഞ ദിവസം കോവിഡ് ബാധിച്ചപ്പോള് കേരളത്തില് 4,584 പേര്ക്കും രോഗബാധയുണ്ടായി. അതേസമയം, കോവിഡ് വാക്സിന് വിതരണം രാജ്യത്ത് പുരോഗമിക്കുകയാണ്. 10,449,942 കോവിഡ് മുന്നിര പോരാളികള്ക്ക് വാക്സിന് വിതരണം നടത്തിയെന്നാണ് കണക്കുകള്.
ഉത്തര്പ്രദേശ്, കര്ണാടക, പശ്ചിമബംഗാള്, ആന്ധ്രപ്രദേശ്, തമിഴ്നാട്, ജമ്മുകശ്മീര്, കേരള, ഒഡീഷ, ജാര്ഖണ്ഡ്, മധ്യപ്രദേശ് തുടങ്ങിയ സംസ്ഥാനങ്ങളിലാണ് ഏറ്റവും കൂടുതല് പേര്ക്ക് വാക്സിന് നല്കിയത്.