ദോഹ: കോവിഡ് പ്രതിസന്ധിയില് വിമാനയാത്ര മുടങ്ങി പോയവര് ടിക്കറ്റ് തുക പൂര്ണമായും മടക്കി നല്കണമെന്ന സുപ്രീംകോടതി വിധി മറികടന്ന് എയര് ഇന്ത്യ. എയര് ഇന്ത്യ എക്സ്പ്രസ് വിമാനങ്ങളില് ടിക്കറ്റ് ബുക്ക് ചെയ്തവരോട് തുക മടക്കി നല്കാനാവില്ലെന്നാണ് അധികൃതര് പറയുന്നത്.
സര്വീസ് ചാര്ജ് ഈടാക്കാതെ യാത്രാ തീയതി മാറ്റി നല്കാമെന്നാണ് എയര് ഇന്ത്യയുടെ നിലപാട്. മാത്രമല്ല, ഇങ്ങനെ മാറ്റിയെടുക്കുന്ന ദിവസത്തിലെ ടിക്കറ്റ് നിരക്ക് അധികമാണെങ്കില് ആ തുക യാത്രക്കാര് വഹിക്കണമെന്നും പറയുന്നു.
എയര് ഇന്ത്യയുടെ നിലപാടിനെതിരെ വ്യാപകമായി പരാതി ഉയരുന്നുണ്ട്. ടിക്കറ്റ് മാറ്റി നല്കുന്ന തീയതിയില് നിരക്ക് കുറവാണെങ്കില് ആ തുക യാത്രക്കാര്ക്ക് തിരിച്ചുനല്കില്ലെന്നും കമ്ബനി പറയുന്നു.
ഇതിനു മറുപടിയായി കമ്ബനി പറയുന്നത് തങ്ങളുടെ റീ ഫണ്ട് പോളിസി ഇതാണെന്നും ഇങ്ങനെ മാത്രമേ ചെയ്യാന് കഴിയൂ എന്നുമാണ്. ഇന്ത്യയില് നിന്ന് ടിക്കറ്റ് എടുത്തവര്ക്ക് തുക തിരിച്ചുനല്കിയെന്നും പറയുന്നു. ഗള്ഫ്രാജ്യങ്ങളില്നിന്ന് ടിക്കറ്റ് എടുത്തവരാണ് വലയുന്നത്. ഓണ്ലൈനില് ടിക്കറ്റ് എടുത്തവരും ദുരിതത്തിലാണ്.