ശ്രീജ.എസ്
മുംബൈ: നിയമലംഘനത്തിന് ബോളിവുഡ് നടന് വിവേക് ഒബ്റോയിക്ക് 500 രൂപ പിഴയിട്ട് മുംബൈ ട്രാഫിക് പൊലീസ്. മാസ്കും ഹെല്മറ്റും ധരിക്കാതെ ബൈക്കില് സഞ്ചരിച്ചതിനാണ് ശിക്ഷ. കൂടാതെ വിവേക് ഒബ്റോയിക്കെതിരെ മുംബൈ പൊലീസ് കേസെടുക്കുകയും ചെയ്തിട്ടുണ്ട്. മാസ്ക് ധരിക്കാത്തതിനാണ് കേസ്. വാലന്റൈന് ദിനത്തില് ഭാര്യക്കൊപ്പം സഞ്ചരിക്കുമ്പോഴാണ് ഒബ്റോയി പൊലീസിന്റെ പിടിയിലായത്. ഹെല്മറ്റ് ധരിക്കാത്തതിന് പിഴ ശിക്ഷയും മാസ്ക് ഇല്ലാത്തതിന് ഐ.പി.സി സെക്ഷന് 188, 269 പ്രകാരം ഒബ്റോയിക്കെതിരെ കേസെടുക്കുകയും ചെയ്തിട്ടുണ്ടെന്ന് മുംബൈ പൊലീസ് പറഞ്ഞു.