InternationalLatest
‘ ഡിയേഗോ അനശ്വരനാണ്’; മറഡോണയ്ക്ക് ആദരാഞ്ജലി അർപ്പിച്ച് ലയണൽ മെസി
ഫുട്ബോൾ ഇതിഹാസം ഡീഗോ മറഡോണയ്ക്ക് ആദരാഞ്ജലി അർപ്പിച്ച് അർജൻ്റൈൻ സൂപ്പർ താരം ലയണൽ മെസി. തൻ്റെ സമൂഹമാധ്യമ അക്കൗണ്ടുകളിലൂടെയാണ് മെസി ആദരാഞ്ജലി അർപ്പിച്ചത്. ട്വിറ്റർ ഹാൻഡിലിലൂടെ ഒന്നിലധികം ട്വീറ്റുകൾ ചെയ്ത താരം ഫേസ്ബുക്ക് പേജിലൂടെ അദ്ദേഹത്തിന് ആദരാഞ്ജലി അർപ്പിക്കുകയും ചെയ്തു.
‘ഫുട്ബോൾ ലോകത്തിനും അർജൻ്റീനയ്ക്കും ഇത് വളരെ ദുഖമുണ്ടാക്കുന്ന ഒരു ദിവസമാണ്. അദ്ദേഹം നമ്മെ വിട്ടു പോയെങ്കിലും ഇവിടെയുണ്ടാവും. കാരണം, ഡിയേഗോ അനശ്വരനാണ്. അദ്ദേഹത്തോടൊപ്പമുള്ള എല്ലാ മനോഹര നിമിഷങ്ങളെയും ഞാൻ ഓർമ്മിക്കുന്നു. അദ്ദേഹത്തിൻ്റെ സുഹൃത്തുക്കൾക്കും കുടുംബത്തിനും എൻ്റെ അനുശോചനം അർപ്പിക്കുന്നു’- മെസി ഫേസ്ബുക്കിൽ കുറിച്ചു.