ന്യൂഡല്ഹി: സൂയസ് കനാലില് ചരക്ക് കപ്പല് കുടുങ്ങിയതിനെ തുടര്ന്നുണ്ടായ പ്രതിസന്ധിക്ക് ആശ്വാസമേകാന് നാലിന പദ്ധതിയുമായി ഇന്ത്യ. കപ്പലുകളെ ഗുഡ്ഹോപ് മുനമ്പിലൂടെ വഴിതിരിച്ച് വിടുന്നതടക്കമുള്ള തന്ത്രങ്ങളാണ് ഇന്ത്യയുടെ നാലിന പദ്ധതിയില് ഉള്ക്കൊള്ളിച്ചിരിക്കുന്നത് . വ്യവസായ വകുപ്പിന്റെ ലോജിസ്റ്റിക് ഡിവിഷണാണ് ഇതിനുള്ള പദ്ധതി തയാറാക്കിയത്.
ചരക്കുകളെ പ്രാധാന്യത്തിനനുസരിച്ച് തരം തിരിക്കുക, കപ്പലുകളെ വഴിതിരിച്ച് വിടല്, ചരക്ക് കൂലി നിയന്ത്രിക്കുക, തുറമുഖങ്ങള്ക്ക് മുന്നറിയിപ്പ് നല്കല്, തുടങ്ങിയവ ഉള്പ്പെടുന്നതാണ് ഇന്ത്യയുടെ നാലിന പദ്ധതി. ഇന്ത്യയിലേക്ക് 200 ബില്യണ് യു.എസ് ഡോളറിന്റെ ചരക്കുകള് എത്തുന്നത് സൂയസ് കനാല് വഴിയാണ്.
രാജ്യത്തേക്കുള്ള വടക്കേ അമേരിക്ക, തെക്കേ അമേരിക്ക, യുറോപ്പ് തുടങ്ങിയ സ്ഥലങ്ങളിലേക്കുള്ള ചരക്കുകള് ഇന്ത്യയിലേക്ക് സൂയസ് കനാല് വഴി എത്തുന്നത്. പെട്രോളിയം ഉല്പന്നങ്ങള്, ഇരുമ്പ്, സ്റ്റീല്, ഓര്ഗാനിക് കെമിക്കല്സ്, ഓട്ടോമൊബൈല്, തുണിത്തരങ്ങള്, ഫര്ണീച്ചര്, തുകല് ഉല്പന്നങ്ങള് എന്നിവയെല്ലാമാണ് സൂയസ് കനാല് വഴി എത്തുന്നത്.