കൊച്ചി: ഇരട്ടവോട്ടുകള് മരവിപ്പിക്കണമെന്നാവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല നല്കിയ ഹര്ജിയില് ഹൈക്കോടതി ഇന്ന് വിധി പറയും. സംസ്ഥാനത്ത് നാല് ലക്ഷത്തി മുപ്പത്തിനാലായിരത്തിലധികം ഇരട്ടവോട്ടോ വ്യാജ വോട്ടോ ഉണ്ടെന്നാണ് ആരോപണം.
ഇരട്ട വോട്ട് മരവിപ്പിക്കുകയും ഉദ്യോഗസ്ഥര്ക്കെതിരെ പ്രോസിക്യൂഷന് നടപടിക്ക് നിര്ദേശം നല്കണമെന്നുമാണ് ആവശ്യം. എന്നാല് സംസ്ഥാനത്ത് മുപ്പത്തി എട്ടായിരത്തി അഞ്ഞൂറ്റി എണ്പത്തിയാറ് ഇരട്ടവോട്ടുകള് മാത്രമാണ് കണ്ടെത്തിയതെന്നും ഇരട്ട വോട്ട് തടയാന് ശക്തമായ നടപടി സ്വീകരിക്കുമെന്നും തെരഞ്ഞെടുപ്പ് കമ്മീഷന് വ്യക്തമാക്കിയിട്ടുണ്ട്. തെരഞ്ഞെടുപ്പ് പ്രഖ്യാപിച്ച സാഹചര്യത്തില് വോട്ടര് പട്ടികയില് ഇനി മാറ്റം വരുത്താനാകില്ലെന്നും കമ്മീഷന്കോടതിയെ അറിയിച്ചിരുന്നു.