![“Manju”](https://santhigirinews.org/wp-content/uploads/2020/04/YOUTUBE.jpg")
മുംബൈ: ഹോളിവുഡ് സൂപ്പര്‍ഹിറ്റ് ചിത്രം ദി ഇന്റേണിന്റെ ബോളിവുഡ് റിമേക്ക് ഒരുങ്ങുന്നു. റോബര്‍ട്ട് ഡി നീറോ അവതരിപ്പിച്ച വേഷത്തിലായിരിക്കും അമിതാഭ് ബച്ചന്‍ എത്തുക. അന്നെ ഹാത്‌വെയായിരുന്നു ചിത്രത്തില്‍ നായികയായത്. ഈ വേഷം ദീപിക പദുക്കോണ്‍ ആയിരിക്കും അവതരിപ്പിക്കുക.
അമിത് രവീന്ദ്രനാഥ് ആണ് ചിത്രം സംവിധാനം ചെയ്യുന്നത്. അടുത്ത വര്‍ഷമായിരിക്കും ചിത്രം പുറത്തിറങ്ങുക. 2015ല്‍ പുറത്തിറങ്ങിയ പികുവിലാണ് അമിതാഭ് ബച്ചനും ദീപികയും ഒന്നിച്ചഭിനയിച്ചത്. ചിത്രം ദേശീയ പുരസ്‌കാരം സ്വന്തമാക്കിയിരുന്നു.
