ഇന്ത്യക്ക് സഹായ വാഗ്ദാനവുമായി അമേരിക്ക
വാഷിംഗ്ടണ് ഡിസി: ഇന്ത്യയില് കോവിഡ് രണ്ടാം തരംഗം അതിരൂക്ഷമാകുന്ന സാഹചര്യത്തില് സഹായ വാഗ്ദാനവുമായി അമേരിക്ക. ആരോഗ്യപ്രവര്ത്തകര്ക്കും ജനങ്ങള്ക്കും എല്ലാ സഹായവും നല്കുമെന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് പറഞ്ഞു.
ഇന്ത്യയ്ക്ക് സഹായം നല്കുന്നതുമായി ബന്ധപ്പെട്ട് ചര്ച്ചകളും പദ്ധതികളും അതിവേഗത്തില് പുരോഗമിക്കുകയാണ്. ഇന്ത്യയിലെ ആരോഗ്യപ്രവര്ത്തകര്ക്കും ജനങ്ങള്ക്കും എത്രയും വേഗം സഹായം എത്തിക്കാന് കഴിയുമെന്നാണ് പ്രതീക്ഷയെന്നും ബ്ലിങ്കന് വ്യക്തമാക്കി. യുകെ, യൂറോപ്യന് യൂണിയന്, ഫ്രാന്സ്, ഓസ്ട്രേലിയ എന്നിവയുള്പ്പെടെ നിരവധി രാജ്യങ്ങള് ഇന്ത്യയ്ക്ക് ഐക്യദാര്ഢ്യം പ്രകടിപ്പിച്ച് രംഗത്തെത്തിയിട്ടുണ്ട്.