ചേലക്കര ആർട്സ് ആൻ്റ് സയൻസ് കോളേജ് നവീകരണം ആരംഭിച്ചു

ബിന്ദുലാൽ തൃശ്ശൂർ

ചേലക്കര ഗവ ആട്സ് ആൻ്റ് സയൻസ് കോളേജില്‍ നിർമ്മിക്കുന്ന അക്കാദമിക് ബ്ലോക്കിന്റേയും ചുറ്റുമതിലിന്റെയും നിർമ്മാണോദ്ഘാടനം ഉന്നത വിദ്യാഭ്യാസ വകുപ്പ് മന്ത്രി കെ ടി ജലീൽ ഓൺലൈനായി നിർവ്വഹിച്ചു.

കിഫ്‌ബി പ്രൊജക്റ്റുകളിൽ ഉൾപ്പെടുത്തി 8.29 കോടി
രൂപയാണ് അക്കാദമിക് ബ്ലോക്കിനായി നീക്കി വച്ചിരിക്കുന്നത്. 1.23 കോടി രൂപയാണ് ചുറ്റുമതിലിനായി വകയിരുത്തിയിരിക്കുന്നത്.

നിലവില്‍ പ്ലാൻ ഫണ്ട് 2019-20-ല്‍ നിന്നും 87 ലക്ഷം രൂപ അനുവദിച്ച് ക്ലാസ് മുറി കെട്ടിടത്തിന്റെ രണ്ടാം നിലയുടെ നിർമ്മാണ പ്രവൃത്തിയും കോളേജില്‍ നടക്കുകയാണ്.

കോളേജിലേക്കുള്ള റോഡ് 37 ലക്ഷം രൂപ ചെലവഴിച്ച് ഇതിനകം തന്നെ കോൺക്രീറ്റ് ചെയ്തിട്ടുണ്ട്. ആകെ 10.76 കോടി രൂപ കോളേജിന്റെ അടിസ്ഥാനസൗകര്യ വികസനത്തിനായി അനുവദിരുന്നു. ഇതോടനുബന്ധിച്ച് നടന്ന ചടങ്ങില്‍
യു ആർ പ്രദീപ് എം എൽ എ അദ്ധ്യക്ഷത വഹിച്ചു. മുൻ നിയമസഭ സ്പീക്കർ കെ രാധാക്യഷ്ണൻ മുഖ്യാതിഥിയായി.
വാ൪ഡ് മെമ്പര്‍മാരായ ഉണ്ണികൃഷ്ണന്‍, ആസിയ, വി വിഗ്നേശ്വരി ഐ.എ.എസ്, ഡോ എസ് ഹരിപ്രിയ എന്നിവർ സംസാരിച്ചു.