തിരുവനന്തപുരം: സംസ്ഥാനത്തെ എട്ട് ജില്ലകളില് ടിപിആര് 25ന് മുകളില് എത്തിയിരിക്കുന്നു. മെയ് പകുതിയോടെ സംസ്ഥാനത്ത് കൊറോണ വൈറസ് രോഗവ്യാപനം തീവ്രമായേക്കും. 248 പേര് അഞ്ച് ദിവസത്തിന് ഇടയില് കോവിഡ് ബാധിച്ചു മരിച്ചു.
ആലപ്പുഴ, തൃശൂര്, തിരുവനന്തപുരം, കോട്ടയം, പത്തനംതിട്ട, പാലക്കാട് എന്നീ ജില്ലകളില് രോഗവ്യാപനം ഇനിയും രൂക്ഷമാവുമെന്നാണ് വിലയിരുത്തുന്നത്. 10.31 ആണ് സംസ്ഥാനത്ത് രോഗം സ്ഥിരീകരിക്കുന്നവരുടെ നിരക്ക്. ദേശിയ ശരാശരി 6.92 ആണ്. ഈ സാഹചര്യത്തില് ഒരാഴ്ച സമ്പൂര്ണ ലോക്ക്ഡൗണ് പ്രഖ്യാപിക്കുന്നതിലേക്ക് സര്ക്കാര് നീങ്ങിയേക്കും എന്നാണ് സൂചനകള് ലഭിക്കുന്നത്. കോഴിക്കോട്, മലപ്പുറം, എറണാകുളം ജില്ലകളില് 100 പേരെ പരിശോധിക്കുമ്പോള് 30ലേറെ പേര്ക്കും രോഗം സ്ഥിരീകരിക്കുന്ന അവസ്ഥയാണ്.