റഷ്യയിലെ സ്‌കൂളില്‍ വെടിവയ്പ്; അധ്യാപകനും എട്ടുകുട്ടികളും കൊല്ലപ്പെട്ടു

മോസ്‌കോ: റഷ്യയിലെ സ്‌കൂളിലുണ്ടായ വെടിവയ്പില്‍ എട്ടുവിദ്യാര്‍ഥികളും ഒരു അധ്യാപകനും കൊല്ലപ്പെട്ടു. പത്തിലേറെ പേര്‍ക്ക് ഗുരുതരമായി പരിക്കേറ്റതായാണ് റിപ്പോര്‍ട്ടുകള്‍. റഷ്യയിലെ കസാനിലാണ് സംഭവം.
തോക്കുധാരികളായ രണ്ട് കൗമാരക്കാരാണ് ആക്രമണത്തിന് പിന്നില്‍. ഇതില്‍ ഒരാളെ പൊലീസ് കസ്റ്റഡിയില്‍ എടുത്തു. ആക്രമണത്തിന്റെ ഉദ്ദേശം എന്താണെന്ന് വ്യക്തമല്ല. സംഭവത്തില്‍ അന്വേഷണം ആരംഭിച്ചു.