ബെയ്ജിങ്: 100 കിലോമീറ്റര് ദൈര്ഘ്യമുള്ള അള്ട്രാ മാരത്തണിനിടെ വില്ലനായി കടുത്ത കാലാവസ്ഥയെത്തിയപ്പോള് നിരവധി താരങ്ങള്ക്ക് ദാരുണാന്ത്യം. പടക്കുപടിഞ്ഞാറന് ചൈനയിലെ ഗാന്ഷു പ്രവിശ്യയിലെ യെല്ലോ റിവര് സ്റ്റോണ് വനമേഖലയില് സംഘടിപ്പിച്ച മാരത്തണാണ് മരണവേദിയായത്. മലകയറിയും അല്ലാതെയും 100 കിലോമീറ്റര് ഓട്ടം പുരോഗമിക്കുന്നതിനിടെ കൊടും തണുപ്പും ശക്തമായ കാറ്റും മഴയും എത്തുകയായിരുന്നു. മത്സരം 20-31 കിലോമീറ്റര് എത്തിയ ഘട്ടത്തില് താരങ്ങള് മലമുകളിലായിരിക്കെയായിരുന്നു പെട്ടെന്നുണ്ടായ കാലാവസ്ഥ മാറ്റം. ആലിപ്പഴ വര്ഷവും മഞ്ഞുമഴയും എത്തുകയും കാലാവസ്ഥ താഴോട്ടുപോകുകയും ചെയ്തു. മണ്ണിടിച്ചിലും ഉണ്ടായത് രക്ഷാ പ്രവര്ത്തനം കൂടുതല് ദുഷ്കരമാക്കി.
അപായ സന്ദേശമെത്തിയ ഉടന് 18 അംഗ സംഘത്തെ അയച്ചെങ്കിലും 21 പേര് മരണത്തിന് കീഴടങ്ങിയിരുന്നു. എട്ടു പേര് പരിക്കുകളോടെ ആശുപത്രിയില് ചികിത്സയിലാണ്.
172 പേരാണ് െമാത്തം പങ്കാളികളായുണ്ടായിരുന്നത്. 151 പേരെ തിരികെ എത്തിച്ചിട്ടുണ്ട്.
മംഗോളിയന് അതിര്ത്തിയോടു ചേര്ന്ന് സിന്ജിയാങ്ങിെന്റ സമീപ പ്രവിശ്യയാണ് ഗാന്ഷു.